Tarmoq (Internet)ni monitoring qilish uchun dasturlar

14.03.2020 / 10:40Akbarali 157
Internet hayotimizga tobora chuqurroq kirib bormoqda. Usiz yashashni endi tasavvur qilish qiyin bo`lib qoldi. Shu sabab kundan kunga internetga bog`lanayotgan xonadonlar soni ortib bormoqda va tabiiyki shu bilan bog`liq ayrim muammolar ham yuzaga kelmoqda. Jumladan, begonalarning sizning internetingizdan foydalanish ehtimoli ortmoqda.
Hozirgi kunda ayrim dasturchilar tomonidan shunday dasturlar yaratilgan-ki, ular siz tarmoqga bog`lanishingiz bilan ishga tushadi va sizning ham trafigingizni ham tezligingizni kamaytiradi. Lekin, siz bu dasturlar sizning qurilmangizda (kompyuter/noutbuk/netbuk) mavjudligini hatto bilmaysiz ham.
Quyida sizga internet trafigingizni nazorat qilishga imkon beruvchi ayrim dasturlarni keltirib o`taman. Ularni tekinga ko`chirib olib, ishlatish mumkin.



WIRESHARK DASTURI
Wireshark – bu kompyuterning ethernet va boshqa tarmoqlarining trafik tahlili-dasturidir. U turli tarmoq protokollari strukturasini “biladigan” ilova va shuning uchun tarmoq paketini protokol qiymatining maydonini istalgan pog‘ona uchun aks ettiradi.
Dastur Linux, Solaris, FreeBSD, NetBSD, OpenBSD, Mac OS X va Windows operatsion tizimlarida ishlaydi. GNU GLPv2 litsenziyasi ostida tarqatiladi. Wireshark.org saytidan tekinga ko’chirib olish mumkin.
Paketlarni tahlil qilishni nima keragi bor?
Tarmoq ilovalari va protokollarini tadqiq etish, hamda tarmoq ishlashida muammolarni topish va bu muammolar sababini aniqlash uchun paketlarni tahlil qilish kerak.
Tabiiyki, trafikni tahlil qilishda maksimal samaraga erishish uchun tarmoq va tarmoq protokollari ishlashi haqida umumiy tushunchaga ega bo‘lish kerak.



Dasturni ishga tushiramiz va o`zimiz bog`langan tarmoqni tanlaymiz



Bundan so‘ng jarayonni tahlil qilish boshlanadi, bunda kelgan paketlar real vaqtda ko‘rinadi.
Paketlarni ko‘rish va o‘rganish vaqtida avvalgi paketga qaytishga to‘g‘ri kelib qoladi. Buning uchun ikki tugma mavjud.



Interfeysi o‘rganish vaqtida http paketni tanlash va quyidagi jarayonni ko‘rish mumkin: HTTP –TCPga (transport pog‘onasi) inkapsulyatsiya qilinadi, TCP – IP ga (tarmoq pog‘onasi) inkapsulyatsiyalanadi, IP esa o‘z navbatida Ethernet ga o‘zgaradi.



Angry IP Scanner

Bu dastur bizga biz ulangan tarmoqni monitoring qilish imkonini beradi. Dastur sodda va qo‘llanishda oson.



Dastur quyidagi ko‘rinishga ega.




Bunda biz ko‘rishimiz mumkin:

1. Biz o‘tirgan tarmoq qaysi diapazonda boshlanishi va tugashini – biz uni istalgan IP kiritib o‘zgartirishim mumkin. Lekin, kiritilgan IP bizning tarmoq diapazoniga kirmasa, hech qanday natija bermaydi.
2. Host nomini;
3. Maskani – maskani istalga tarzda o‘zgartirish imkoniga egamiz.



Dasturni ishga tushurganimizda biz quyidagilarni ko‘rishimiz mumkin:

1. 192.168.3.1 – bu bizning tarmoq qurilmamiz (router)ning adresi.
2. 192.168.3.4 – bu bizning tarmoq qurilmamiz (router)ga bog‘langan va ayni vaqtda tarmoqda bo‘lgan boshqa qurilmaning IP adresi, yonida esa o‘sha qurilmaning nomi (bizning holatda Samsung noutbuki)



EasyNetMonitor - bu dasturiy vosita lokal va uzoqlashgan tugunlarni monitoringini amalga oshiradi va kerakli oynalarni ishlatgan xolda, server va ishchi stansiyalar xolati bo‘yicha maxsus ma'lumot beradi.



Ishlatish:
“+Add” – ni bosib biz biror bir sayt yoki IP adresni kiritamiz



Biror bir saytni kiritamiz, misol uchun "kun.uz"



Qanday protokol kerakligini tanlaymiz. Biz PING protokolini tanlaymiz.



Saytga kiramiz



Bu bizga saytga necha marta kirganimizni ko`rish imkonini beradi.



Biz tekst faylida Kun.uz saytiga necha marotaba kirganimizni, qaysi vaqtda murojat qilganimizni ko`rishimiz mumkin va ping lar qancha vaqtda borganini ko‘ramiz.

Bundanda qiziqarli ma'lumotlarga ega bo'lish uchun saytimizga tez-tez kirib turing!
Biz eng yaxshilarini sizlarga ilinamiz.

Muallif haqida

Akbarali

Web dasutrchi dasturlashda php, js, css3, html5, SQLdan foydalanadi. API kalitlar bilan ishlashni yaxshi ko`radi.


Maqolaga bildirilgan fikrlar

Akbarali 29.02.2020 / 20:25

Tez orada yaxshi maqolalar yozamiz biz bilan bo`ling
Javob berish


Qobiljon 23.02.2020 / 12:46

Biror bir qo`shicha qilmoqchi bo`lsangiz, fikringizni bildiring
Javob berish



Maqolaga fikr bildirish

Maqolaga xabar qoldirish uchun Ro'yxatdan o'ting yoki Saytimizga kiring

Tepaga