10 GB joy oluvchi - Hiberfil.sys nima o`zi?!

01.11.2020 / 14:04Qobiljon 61
O`tgan galgi maqolada sizlar bilan pagefile.sys fayli va u nega bu qadar ko`p joy olishi haqida gaplashgan edik:

Juda ko`p joy oluvchi - pagefile.sys haqida

Agar diqqat bilan qarasak, C diskimizda pagefile dan boshqa yana bir fayl noma'lum sababsiz ulkan miqdorda joyni band qilar ekan. Bu - Hiberfil.sys faylidir.

Hiberfil.sys va Pagefile.sys ning ishlash funksiyasi bir xil: qancha RAM (Tezkor xotira/ОЗУ) katta bo`lsa, Hiberfil.sys va Pagefile.sys ham shuncha katta bo`ladi. Pagefile.sys nega kerakligini bildik, hiberfil.sys nega kerak?!

Hiberfil.sys - bu, kompyuter/noutbuk uyqu rejimiga tushganida RAMdagi ma'lumotlarni o`ziga (HDD) yuklab olish uchun yaratiluvchi fayl. Uning maqsadi shundaki, agarda siz kompyuteringizni "uyqu rejimi"ga qo`ysangiz RAMdagi ma'lumotlar o`chib ketishini oldini olish va qurilma qayta ishga tushganda uyqu rejimiga tushishidan oldin ekranda aks etgan ma'lumotlarni qayta yuklamasdan tezkor aks ettirish uchun mo'ljallangan.

Sodda qilib aytaman: aytaylik siz noutbukdagi brauzerdan biror bir sahifani ochdingiz va ma'lum bir vaqtdan keyin brauzerni yopmasdan noutbukni berkitib boshqa ishlar bilan mashg`ul bo`ldingiz. Keyin esa kelib yana noutbukni ochdingiz va brauzerdagi sahifalarni ko`rishda davom etdingiz. Bunda sizga aynan hiberfil.sys yordam bergan. U o`ziga RAMdagi ma'lumotlarni qurilma uyqu rejimiga tushishidan oldin yuklab olgan va qurilma qayta ishga tushganda sizga taqdim etgan.

Eslatma: qurilma (noutbuk/kompyuter) o`chib yonganda yoki uyqu rejimiga tushganda RAM tozalanadi, undagi ma'lumotlar o`chib ketadi.

Agarda sizga hiberfil kerak bo`lmasa, uni o`chirib qo`yish ham mumkin. Buning uchun quyidagi ishlarni bajarish kerak:

1-usul. Buyruqlar satri

Buyruqlar satrini Administrator shaklida ochib - "powercfg -h off" tering. Hiberfil.sys yo`qoladi. Uni qaytadan paydo qilish uchun esa "powercfg -h on" deb yozasiz.
2-usul. Batareyka menyusi orqali

"Elektr ta'minot" qismidan "Uyqu rejimiga o`tishni sozlash"ga o`tiladi.

"Ta'minotning qo`shimcha parametrlarini o`zgartirish"ga bosiladi

"Uyqu" qismidan "Gibernatsiyadan so`ng" qismiga "yo`q" deyiladi yoki "0" (nol) qiymat beriladi.
Yuqoridagi ishlarni bajarganingizdan so`ng Hiberfil.sys yo`qoladi. Qaytarish uchun esa yuqoridagi ishlarni teskarisini qilish kifoya.

Muallif haqida

Qobiljon

Magistr. Internetdan maʼlumot qidirish va yuklash boʻyicha mutaxassis.



Maqolaga fikr bildirish

Maqolaga xabar qoldirish uchun Ro'yxatdan o'ting yoki Saytimizga kiring


Maqolaga bildirilgan fikrlar

Fikr bildirilmagan, birinchilardan bo`ling.
Maqolaga fikringizni, savol yoki tushunmay qolgan joyingizni yozib qoldiring.

TepaPast



Siz JavaScriptni yoqmadingiz, yoki sahifa to`liq yuklanmadi