Juda ko`p joy oluvchi - pagefile.sys haqida

22.10.2020 / 09:51Qobiljon 70
Hammaga salom. Hech o`ylab ko`rganmisiz, hardingizning C disk qismi nimalar bilan doimo band?! Uning ichida ham Windows OT, ham avtonom tarzda shu diskka o`rnatiluvchi dasturlar, ish stoli va hujjatlar papkasidagi hujjatlar/rasmlar/roliklar va hokazolar mavjud. Lekin, sanab o`tilganlanring hammasini hajmini hisoblab chiqqangizda ham 4 GB dan 15 GB gacha joy nima uchundir band turadi doim. Siz eski rasmlar, hujjatlar, videolarni o`rnatsangiz ham joy doimo band. Sizda ham shunday bunday holat bo`lganmi?!
Yaqinda kompyuterimga yangi RAM (ОЗУ/Tezkor operativ xotira) qo`ydirdim va qarabmanki shundoq ham minimal bo`lgan (mening holatimda C disk 100 GBli joyga ega va shuning 5 GB bo`sh edi) C disk xotirasida atiga 67 Megabayt qolibdi! Darrov hamma keraksiz narsalarni o`chirishni boshladim, joyni bir amallab 3 GB ga oshirdim va noutbukni o`chirib yoqdim, qarasam yana 67 MB joy qolib! Yana hamma narsani tozalashga kirishdim, shunday bo`lsada joy uzog`i bilan 1 GB gacha bo`shadi, xolos. Shuncha tozalagan joyim qayerga ketdi ekan-a?!

Maxsus dastur yordamida tahlil qilishni boshladim, qarasam 11,3 GB joyni pagefile.sys degan fayl egallagan ekan. Uning avvalgi hajmi 5 GB atrofida edi. Xo`sh, bu pagefile.sys o`zi qanday fayl? Bugun buni tahlil qilamiz va uning joyini kamaytirish yoki ko`paytirishni ko`rib chiqamiz.
pagefile.sys - bu RAM xotirasi uchun qo`shimcha HDD ning ichidan ajratilgan joydir. Boshqacha qilib aytganda, agarda sizda 8 GB hajmli RAM bo`lsa, Windows avtonom ravishda sizga HDDdan kamida 7 GBli qo`shimcha rezerv joy ajratadi. Nima uchun?

(Rasmda kamaytirilgan holati, ungacha 11,5)

O`zim tushunganimcha tushuntirishga harakat qilaman: siz operativ xotira hajmini oshirganingizda tizim mantiqan shunday fikrlaydi - "bu foydalanuvchi xotira joyini oshirmoqda, demak u og`irroq dasturlarda ishlaydi, ehtiyot shart unga yana qo`shimcha joy ajratish kerak". Boshqacha aytganda, bu joy siz maboda operativ xotira ko`tara olishi mumkin bo`lgan limitdan-da kattaroq dastur, o`yin va shu kabilarni ishga tushurganingizda yuklamaning bir qismini o`z zimmasiga oladi.
Bu yaxshi albatta, lekin,.. agarda sizda 16 GB hajmadagi RAM bo`lsa, unda sizning kamida 15 GB joyingiz band bo`ladi, bu esa yoqimsiz holat.
Agarda sizda men tavsiflagan holat yuzaga kelgan bo`lsa, unda buni to`g`irlaymiz. Buning uchun quyidagilarni amalga oshiramiz:
1. Mening kompyuterim (Мой компьютер)ga sichqonchani o`ng tugmasini bosib Svoystva (Свойства) oynasini chaqiramiz;

2. Tizimning qo`shimcha parametrlari (Дополнительные параметры системы) punktiga o`tib, Qo`shimchla (Дополнительно) qismidan Tezkor faoliyat (Быстродействия) qismidagi Parametrini tanlaymiz;


3. Parametrini bosganimizda ochilgan darchadan Qo`shimchalar bo`limini tanlaymiz va u yerdagi O`zgartirish (Изменит) tugmasini bosamiz;


4. Fayllarni uyi yuklash hajmini avtomatik tanlash (Автоматически выбратт объем файла подкачки) dan belgini olib qo`yamiz va Hajmni ko`rsatish (Указать размер) puktiga o`zimiz xohlagan hajmni ko`rsatamiz va OK tugmasini bosamiz.

Shu bilan biz pagefile.sys ning ulkan hajmini o`zimiz xohlagan o`lchamda belgilashimiz mumkin.

5. Agarda biz bu fayldan qutilmoqchi bo`lsak 4-punktdagi oynadan "Quyi yuklash fayli siz" () yozuvi oldidan belgi qo`yamiz va shundan keyin bizda bu fayl umuman yo`qladi. (Eslatma! Biz sizga bunday qilishni tavsiya etmaymiz. Har bir narsaning o`z sababi bor.)


Biz 6100 MG (5,95 GB) belgiladik va tizim bizga pagefile.sys ni shu hajmga keltirib berdi (rasmda Kilobaytda keltirilgan miqdori)

Muallif haqida

Qobiljon

Magistr. Internetdan maʼlumot qidirish va yuklash boʻyicha mutaxassis.



Maqolaga fikr bildirish

Maqolaga xabar qoldirish uchun Ro'yxatdan o'ting yoki Saytimizga kiring


Maqolaga bildirilgan fikrlar

Fikr bildirilmagan, birinchilardan bo`ling.
Maqolaga fikringizni, savol yoki tushunmay qolgan joyingizni yozib qoldiring.

TepaPast



Siz JavaScriptni yoqmadingiz, yoki sahifa to`liq yuklanmadi